Qidalanma enerji verir və ya sərf etdirir?

Həyatında və bədənində var olan hansı nəticələrdən razısansa, o nəticələrə səbəb olan məlumat və marağın doğrudur deməli. Hazırda sahib olduğun nəticələrinin hansından narazısansa, onlara səbəb olan məlumat və marağın isə yanlışdır. 

İnsan pəhriz saxladığında onun marağı hansı istiqamətə yönəlir? Təbii ki, qidalanma və qidalara.   Qidalanma enerji verir və ya sərf etdirir? Təbii ki, enerji verər. Enerji verən heç bir anlayış çəki atmağa səbəb olmaz. 

Bəs insan qidalanma əvəzinə hərəkət və fiziki çalışmalara maraq göstərərsə nə baş verər? Qidalanma və qidaların gücü azalar, hərəkət və fiziki çalışmaların gücü artar. Hərəkət və fiziki çalışmalar güclənsə nə olar? Enerji sərfiyyatı artar. 

Gün ərzində maraq sağlam, faydalı, zərərli, kalorili, kalorisiz, qadağan olunmuş, kökəldən, arıqladan qidalara yönəlibsə, bu, qidaların enerjilərini və təsirini gücləndirər, insanı isə qidaların qarşısında kiçildər. Bu səbəbdən də zamanla qida miqdarı artar və hətta asılılıq yaradar.

İnsan bəhanə, keçişdirmə, tənbəllik və s. kimi məlumatlarla maraqlanarsa, bu onun hərəkətsizliyinin miqdarını artırar. 

Artıq çəkilərə, yağlara, piylənmiş qarına, qol və ayaqlara, kök üzünə nifrətlə baxsan, öz bədənindən şikayət etsən, bunları tez-tez dilə gətirsən və gündəmdə saxlasan, onlarla maraqlandığın üçün onları gücləndirərsən. Bu da artıq çəkilərə olan marağı artırar, insanın xəstələnməyinə səbəb olar.

Mütəmadi olaraq, xəstəliyindən danışsan, onlardan şikayət etsən onları gücləndirəcəksən. 

Mənbə: “Arıqlamada Dəyişmə Müddəti” Deniz Egece