Maddələr mübadiləsi və çəki problemi
Maddələr mübadiləsi və çəki problemi

Maddələr mübadiləsi və çəki problemi

2019/11/04 964

Bədənin, hərəkəti və enerjini təmin etmək üçün yaranmış bioloji və kimyəvi dəyişikliklərinə maddələr mübadiləsi (metabolizma) deyilir. Maddələr mübadiləsinin sürəti – bədəndəki hüceyrələrin enerji yandırma sürətidir. Hərəkət etmədən bədənin varlığını saxlamaq üçün lazımi enerjiyə əsas maddələr mübadiləsi deyilir. 

Hər orqanizm, böyümə, inkişaf, istilik, hərəkət, artıma kimi həyati fəaliyyətləri davam etdirə bilmək üçün xarici ətrafdan bəzi maddələr və enerji almaq məcburiyyətindədir. Bu maddələr və enerji, həyati fəaliyyətlərin davam etdirilə bilməsi üçün lazım olan orqanik molekulların sintezlənməsində istifadə ediləcək.

 

Metabolizm üçün tələb olunan enerji orqanizm baxımından qida hesab olunur

 

Maddələr mübadiləsini şərti olaraq aşağdakı mərhələlərə bölmək olar:

1.    Həzm mədə-bağırsaqda həzmedici fermentlərin (pepsin, tripsin, ximotripsin və s.) təsiri ilə mürəkkəb tərkibli qida kiçikmolekullu birləşmələrə çevrilir və müxtəlif metobolizmə uğrayır;

2.    Bağırsaqlarda sorulma gedir. Həzm edilmiş maddələr qana daxil olur və qan vasitəsi ilə müxtəlif üzv və toxumalara çatdırılır;

3.    Daşınan maddələrin qurulması və həmin orqanizm üçün xarakter olur;

4.    Daxil olmuş birləşmələr əlavə və son məhsullara parçalanır;

5.    Mübadilə olunmuş son məhsullar orqanizmdən xaric olur.

 

Maddələr mübadiləsi və çəki problemi

 

Maddələr mübadiləsinin sürəti insanın o andakı düşüncələri, əzələ quruluşu, bədən ağırlığı və həcmi ilə mütənasibdir. İnsanın bədənində artıq yağların olması və əzələlərin zəif olması maddələr mübadiləsinin ümumi sürəti və çalışmasına təsir edir. İkinci təsir isə odur ki, insanın bədəni haqqındakı yanaşması və məlumatları maddələr mübadiləsinin sürətini təmin edə bilən bir faktordur.

Maddələr mübadiləsinin sürəti barədə, kalori hesablarındakı rəqəmlərdə olduğu kimi elmi dəqiq məlumatlar verə bilmərik. Anlıq ölçmələr mümkün olsa da, bədən anbaan dəyişdiyi üçün maddələr mübadiləsi də dəyişəcək. Heç bir alət, cihaz maddələr mübadiləsinin sürətini ölçə bilməz. Çünki maddələr mübadiləsinin sürəti və ya bədən sabit deyil. Maddələr mübadiləm yavaşdır deyib, bunu bəhanə etmək artıq çəkilərdən azad olmağa maneə yaradır. İnsan yaşayırsa, maddələr mübadiləsi də işləyir deməkdir, onun sürəti isə idarə oluna biləcək bir vəziyyətdir, xəstəlik və ya genetik bir hal deyil. 

 

Pəhriz saxlanıldığı zaman metabolizma 40% azalaraq, bədəndə yağ ehtiyatı yaratmağa başlayır. 

 

Bəzi insanlar maddələr mübadiləsinin sürətinin yavaş olduğundan şikayət edərlər. İnsan, həkimin dediyi və ya öz fikrini təlqin olaraq təkrarlayaraq doğru olduğunu hesab edərək qəbul edər. Şüuraltı isə bunu doğru məlumat kimi qəbul edər və reallaşdırar. 
“Nə yeyirəmsə yeyim, çəkim artır, maddələr mübadiləm yaxşı işləmir, artıq çəki mənə yaraşır, bu hal bizdə irsidir, ailəlikcə beləyik, çəkimlə barışmışam, məni sevən bu cür sevsin, artıq çəkim məni narahat etmir, bu artıq çəki məni bir gün öldürəcək, kök olmağa nifrət edirəm, artıq çəkiyə görə diz ağrılarım keçmir” şəklində səsli və ya səssiz danışıqların şüuraltına zərər verəcək. Şüurüstünün fikri artıq çəkiyə yönəldiyi müddət ərzində artıq çəkilər bədəni tərk etməyəcək.

Bədəninin hansı şəkildə olmasını istəyirsənsə, o şəkildə də niyyətini müəyyənləşdir. Orqanlarına ondan gözlədiyin funksiyaya uyğun mənalar yükləməlisən. Maddələr mübadiləm yaxşı işlədiyi, yediklərinin və içdiklərinin sənə enerji, gənclik, güc, zəriflik, hərəkətlilik, gözəllik verdiyini, qana, saça, dırnağa, hüceyrəyə, orqanlara, sağlamlığa və ideal bədənə çevrildiyinə dair niyyətini gücləndirməlisən.

 

Rəyinizi yazın:
✓ Düzgündür

Rəylər


  • Azərbaycan, Bakı, Xətai, Nobel Prospekti 15, Azure Biznes Mərkəzi, Ofis 116
  • +994 (12) 488 6815 | +994 (50) 345 1121
  • www.denizegece.az